Requisitos pa ser donante de sangre y pa poder donar
¡Vaya chascu!
Diba yo l’otru día a caminar cuando pasó un coche con un megáfonu pidiendo donantes de sangre: taba l’autobús cabo la mio casa.
Asina que camenté en dir ellí a la vuelta del mio paséu de casi 10 kms. Taba toa convencida y gayolera pero, vaya chascu, NUN SE PUE FACER EXERCICIU NEL MESMU DÍA DE LA DONACIÓN.
Entós, ¿Cuálos son los requisitos pa poder donar?
· Nun donar sangre nos 3 últimos meses pa los homes y 4 pa les muyeres.
· Tener ente 18 y 65 años. (si ye donante activu a criteriu médicu despues de los 65)
· Pesu superior a 50 quilos.
· Trescurrir 2 hores y media dempués de la xinta (Dixestión fecha)
· Nun tar tomando medicación qu'influya na donación. (criteriu médicu)
· Nun carecer enfermedaes infeicioses importantes (hepatitis, brucelosis, malta, sífilis, paludismu), o tar en contactu con elles nos postreros 6 meses.
· Nun ser interveníu quirúrxicamente nos postreros 12 meses. (ciruxía menor)
· Nun ponese nenguna vacuna nel últimu mes.
· Nun tener anemia o enclín a sangrar.
· Nun carecer delles enfermedaes cróniques.
· Tar llibre d'embaranzu o albuertu nos postreros 12 meses.
· Trescurrir mínimu 9 meses dende la fecha’l partu.
· Nun tar dando la lactancia materna.
· Trescurrir 12 meses tres facese un tatuaxe permanente o pendiente non desechable.
· Trescurrir 48 hores de la vacuna antitetánica.
· Trescurrir 6 meses tres pasar una mononucleosis infecciosa.
· Nun tomar alcohol nesi día.
· Nun facer exercicu nel día de la donación (nin antes nin dempués)
· y, sobremanera... TENER GANES DE DAR VIDA
ACTIVIDAES PA 3u Y 4u D’ESO
Busca n’Internet les respuestes a les entrugues que vienen darréu y fai la torna al asturianu, valiéndote del diccionariu DALLA y del traductor ESLEMA.
1. ¿Por qué donar sangre?
2. ¿Pa quién ye’l sangre?
3. ¿ónde pue donase?
No hay comentarios:
Publicar un comentario